Home NATIONWIDE Flame effect sa screen habang nagdadasal si Cayetano, pinatanggal ni Escudero

Flame effect sa screen habang nagdadasal si Cayetano, pinatanggal ni Escudero

1
0

MANILA, Philippines – Ipinag-utos ni Senate impeachment court Presiding Officer Sen. Francis Escudero nitong Huwebes na tanggalin ng court clerk ang flame effect na lumitaw sa screen habang pinangungunahan ni Senate Minority Leader Alan Peter Cayetano ang panalangin sa livestream ng impeachment trial.

Pinangungunahan ni Cayetano ang panalangin sa pagbubukas ng pagdinig nitong Huwebes nang biglang lumitaw ang flame transition effect sa screen — isang insidente na binanggit ni Escudero matapos mag-resume ang paglilitis kasunod ng lunch break.

Inutusan ni Escudero ang clerk of court na “kindly instruct the PRIB (Public Relations and Information Bureau) to be more mindful and careful with respect to, I don’t know what you call it, the transition effects from a scene.”

“The flames are not well taken and are inappropriate to these proceedings so kindly be mindful,” ani Escudero.

Ipinag-utos din niya sa clerk na tanggalin at i-edit ang flame effects mula sa records ng korte.

Si Vice President Sara Duterte ay nahaharap sa mga alegasyon ng pagkamal ng unexplained wealth, hindi buong pagsisiwalat ng kanyang mga ari-arian, at hindi pag-divest mula sa mga business interests habang nanunungkulan bilang bise presidente.  Ernie Reyes

LEAVE A REPLY

Please enter your comment!
Please enter your name here