MANILA, Philippines- Pinaalalahanan ni Pangulong Ferdinand Marcos Jr. ang Armed Forces of the Philippines (AFP) na manatiling matatag at huwag isuko ang misyon para masiguro ang depensa ng bansa laban sa banta at mga hamon.
Sa isinagawang oath-taking ceremony ng newly promoted generals and flag officers ng AFP, sinabi ni Pangulong Marcos na ang Philippine military ay naging ‘bedrock’ ng soberanya ng bansa, “a vital force that protects our land, our people, our freedoms.”
“However, we continue to face complex and dynamic challenges—threats to our sovereignty, lawless elements that undermine peace, and the increasing frequency of natural disasters. These require us to remain steadfast, resourceful, unyielding in our resolve,” ang sinabi ni Pangulong Marcos sa kanyang naging talumpati.
“As stewards of our national defense, you bear the solemn responsibility of ensuring the security of our land, of our seas, of our skies, our cyberspace,” dagdag niya.
Ayon sa Chief Executive, sa pagtatanggol sa katubigan ng bansa, “we must uphold international maritime laws, deepening our commitment to regional peace and cooperation.”
“By fostering coordination amongst nations, we can safeguard stability while advancing our collective interests,” ang sinabi ni Pangulong Marcos.
“Diplomacy rooted in strong legal foundations is the most effective instrument in navigating these endeavors,” pahayag pa niya.
Ang panawagan ng Pangulo sa militar ay matapos na magsagawa ang China Coast Guard ng water cannon attacks at binangga ang barko ng Bureau of Fisheries and Aquatic Resources (BFAR) na nagsasagawa ng maritime patrol sa bisinidad ng Bajo de Masinloc o Scarborough Shoal sa West Philippine Sea.
Sinabi ni Commodore Jay Tarriela, tagapagsalita ng Philippine Coast Guard (PCG) for the West Philippine Sea, ang una sa dalawang water cannon attacks ng CCG 3302 ay direktang pinuntirya ang navigational antennas ng barko habang ito ay nasa 16 nautical miles sa timog ng Bajo de Masinloc.
Ayon kay Tarriela, nagsasagawa ang BFAR at PCG ng routine maritime patrol sa lugar nang maengkwentro nila ang agresibong aksyon mula sa China Coast Guard vessels.
Pinasabugan din ng water cannon ang barko ng BFAR, ang BRP Datu Pagbuaya.
Kasunod nito ay sinadya ng barko ng China ang pagsagi sa BRP Datu Pagbuaya sa bahagi ng starboard nito, na sinundan ng isa pang water cannon.
Samantala, nanawagan naman si Pangulong Marcos sa military leaders na ipagpatuloy lamang na hayaan ang mga tropa na magsilbi ng mas maayos sa mga komunidad.
“Train them to respond not only with skill but with empathy—ensuring that their actions reflect the highest ideals of public service,” ang sinabi ni Pangulong Marcos.
“After all, the stars on your shoulders signify the responsibilities you now carry—the trust of the Filipino people, the security of our nation, and the future of generations yet to come,” dagdag na wika nito.
Samantala, sinabi ng Pangulo na ang kanyang administrasyon ay mananatiling matatag sa pagpapalakas sa institusyon at panindigan ang rule of law. Kris Jose
