MANILA, Philippines – Umabot na sa 5,336 ang bilang ng mga aftershock na naitala kasunod ng malakas na lindol sa Cebu, ayon sa Philippine Institute of Volcanology and Seismology (PHIVOLCS) nitong Sabado, Oktubre 4.
Sa update ng PHIVOLCS, 22 sa mga aftershock ay naramdaman at may lakas na mula magnitude 1.0 hanggang 5.1.
Ayon kay PHIVOLCS director Dr. Teresito, inaasahang tatagal pa ng ilang araw ang mga aftershock.
“Sometimes the aftershocks would last for several weeks,” ani PHIVOLCS director Dr. Teresito Bacolcol.
“Habang tumatagal naman, bumababa ang number ng aftershocks natin, and humihina din yung magnitude,” dagdag pa niya. RNT/JGC
