MANILA, Philippines – Binawi ng Land Transportation Office (LTO) ang accreditation ng isang medical clinic at driving school na nakabase sa Pampanga dahil sa paniningil ng mga kalahok ng hanggang P750 para sa diumano’y libreng theoretical driving course (TDC) seminar.
Ang TDC ay isa sa mga pangunahing kinakailangan sa pag-a-apply ng driver’s license at LTO chief, sinabi ni Assistant Secretary Vigor D. Mendoza na ang dalawang Pampanga-based medical clinic at driving school ay nagsanib-puwersa para diumano sa libreng TDC program.
Ngunit lumabas sa imbestigasyon na ang mga kalahok ay sinisingil ng P600 hanggang P750, ayon kay Mendoza.
Ang pinakamasama, aniya, ay walang aktuwal na TDC seminar na nangyari at ang TDC certificate ay inisyu para sa mga nagbayad ng medical clearance, na isa pang requirement para sa driver’s license application.
“Clearly, there were numerous violations in the conduct of this illegal activity. And these violations were proven at the course of the investigation. The collusion undermines the regulatory framework established by law and policy and further erodes public trust and confidence in the LTO as a regulatory and enforcement authority,” saad ni Mendoza.
“The acts committed are serious and grave as they involve willful breach of public duty and blatant disregard for public safety, and likewise manifested an active role in orchestrating and misleading the public that compromised the integrity of the driving education system and driver’s license issuance,” dagdag niya.
Nag-ugat ang imbestigasyon ng LTO sa natanggap na impormasyon hinggil sa TDC at student permit caravan na ginanap sa Pampanga mula Agosto 16 hanggang 17.
Sinabi ni Mendoza na hindi nakipag-ugnayan ang driving school o ang medical clinic sa aktibidad sa LTO, ngunit pinalabas na ang aktibidad ay suportado ng ahensya.
Ang pagsisiyasat, sinabi ni Mendoza, ay nagpatunay din na walang aktuwal na TDC seminar ang nangyari ngunit ang mga nagbayad ay binigyan ng certificates of completion, at idinagdag na ang mga larawan at video ng mga paglabag ay nakuha rin ng mga imbestigador ng LTO sa panahon ng pagsisiyasat.
“Given the gravity of the violation, the imposition of the penalty of revocation is called for… Wherefore, premises considered, the penalty of revocation is hereby imposed against respondents,” nakasaad sa desisyon.
Sinabi ni Mendoza na ang mga desisyon ay dapat magpadala ng malakas na mensahe sa lahat ng driving schools at medical clinic na kinikilala ng LTO na kumilos at mahigpit na sumunod sa mga regulasyon. RNT/MND
