Manila, Philippines – Kung hindi pa ipo-promote ng magkapatid na Abrenica ang ipalalabas nilang pelikula’y nanganganib silang idemanda.
Nakatakdang magpadala ng demand letter si Atty. Noel Atienza, legal counsel ng Bright Ideas Productions, kina Aljur at Vin Abrenica to urge them to comply with their contract na may kaugnayan sa kanilang pelikula.
Otherwise, breach of contract ang ikakaso sa magkapatid ng kliyente ng Olongapo City councilor ding si Atienza.
Showing na kasi sa August 13 ang Wild Boys ngunit hindi ito pino-promote ng Abrenica brothers.
Bibigyan pa naman daw ni Atienza ng chance ang dalawa.
Iginiit niyang walang dahilan para hindi tuparin nina Aljur at Vin ang nakasaad sa kontrata dahil fully paid daw sila.
Matagal-tagal na rin nang huling mapanood sa wide screen individually ang magkapatid. Ronnie Carrasco III
