MANILA, Philippines – Patay ang isang lalaki na nakaangkas sa motorsiklo habang sugatan naman ang drayber nito matapos mabangga ng isang bus dahil sa pagpasok nila sa EDSA busway bandang North Avenue Station sa Quezon City.
Base sa pulisya, dead on the spot ang angkas matapos pumailalim sa bus kung saan mag-u-U-turn sana sila kaya pumasok sila sa EDSA busway, ayon sa driver na isang habal-habal rider.
Ayon sa driver ng bus, bigla na lang pumasok sa harap niya ang motorsiklong gayung walang U-turn sa lugar.
Kinailangan pang iangat ang bus para mailabas mula sa pagkakaipit ng biktima. RNT
