MANILA, Philippines – Ilang miyembro ng House of Representatives ang gumawa ng panibagong hakbang para sa pagpasa ng Adolescent Pregnancy Prevention bill, na nagsasabi na ang interbensyon ng gobyerno ay mahalaga upang pigilan ang pagtaas ng pagbubuntis ng mga kabataan.
Sina Party-list Rep. Renee Co ng Kabataan at Antonio Tinio ng ACT Teachers ay naghain ng House Bill No. 4115 o ang panukalang Adolescent Pregnancy Prevention bill, na kasabay ng pagpapalabas ng isang award-winning Filipino movie na umiikot sa parehong paksa.
Ang panukalang batas ay nagbibigay ng mandatoryong pag-access at impormasyon sa mga serbisyo sa reproductive health gayundin ang moderno at iba pang legal, ligtas sa medikal, at epektibong paraan ng pagpaplano ng pamilya sa mga kabataan, na may wastong pagpapayo ng mga sinanay na service providers.
Nakasaad din sa panukala na ang pagbibigay ng mga serbisyo sa reproductive health sa mga kabataan ay ibabatay sa mga prinsipyo ng walang diskriminasyon at pagiging kompidensiyal, ang mga karapatan ng mga kabataan, ang kanilang mga kapasidad, at ang principle of the mature minor doctrine, na sinasabing ang mga kabataan ay hindi pinagkakaitan ng impormasyon at mga serbisyong kailangan upang maiwasan ang hindi sinasadyang pagbubuntis at pagdidiskriminasyon.
Sa kabilang banda, sinabi ni Co, ang mga batang babae ay dapat na ma-enjoy ang kanilang pagkabata at hindi mabigatan sa pagpapalaki ng bata.
“Pabata nang pabata ang mga nanay. Hindi na ito problema ng mga pamilya lang. Sakit na ito ng lipunan bunga ng laganap na abuso sa kababaihan at dapat may agarang aksyon ang gobyerno,” aniya.
“Children should not be having children. Young mothers should not be growing younger or growing more common,” dagdag niya.
Samantala, inilahad ni Benitez na sa kanyang lungsod pa lamang sa Victorias, may pagkakataon na nakapagtala ito ng 189 teenage pregnancies.
“We had about initially 189. Napababa po namin…but what’s very sad is meron talagang bata talaga from 8 to 14 years old na nabubuntis. Nakakalungkot po. We have to look at it through a lens that is very data-driven and scientific. But more than that, kailangan din meron tayong empathy and sympathy sa mga women, mga babae na apektado dahil dito. We have to look at it in that way,” saad niya.
Dagdag pa ni Benitez na ang empathy, sa halip na relihiyon, ang dapat na magdedesisyon sa paggawa ng aksyon laban sa teenage pregnancy.
“We should not let religion be the sole factor in this conversation. Even in Spain, the country that colonized and brought Christianity to us, they already have laws that are more progressive than ours. So I hope that we can have a comprehensive bill for this, and for it to be fully funded [when it becomes a law]. Because it really saves lives. Teenage pregnancy is really affecting a lot of families,” aniya. RNT/MND
