MANILA, Philippines – Nanumbalik na ng buo ang mga linya ng paghahatid ng kuryente sa Luzon na naapektuhan ng Super Typhoon Uwan (international name Fung-wong) noong Biyernes ng gabi kasunod ng normalisasyon ng La Trinidad-Sagada 69-kiloVolt (kV) line.
Sa isang 8 p.m. advisory, sinabi ng National Grid Corporation of the Philippines (NGCP) na naibalik ang La Trinidad-Sagada 69kV line bandang 7:16 p.m.
“NGCP assures the public that it is continuously monitoring weather disturbances and is ready to activate its Overall Command Center (OCmC) should there be any threat to its transmission facilities.”
Nauna nang sinabi ng Department of Energy (DOE) na ang buong restoration ng Uwan-affected transmission lines ay inaasahan sa loob ng isang buwan, ngunit tiniyak ng mga opisyal sa publiko na ang lahat ng mga hakbang ay ginagawa upang mapabilis ang proseso.
Ang mga probinsyang labis na tinamaan ng Uwan ay ang Mountain Province, Camarines Norte at Camarines Sur, sabi ng mga opisyal ng DOE. RNT/MND
