MANILA, Philippines – Binalaan ni Pampanga Rep. Gloria Macapagal Arroyo ang publiko ukol sa mga fake news na lumabalas sa social media ukol sa kanya at sa kanyang pamilya kasabay ng paglilinaw na wala itong katotohanan at pawang “misleading”.
Sa isang statement sinabi ni Arroyo na noong 2025 ay humingi sila ng dasal sa publiko at sa mga supporters nang sumailalim sa operasyon ang asawa na si dating First Gentleman Jose Miguel Arroyo at anak na si dating Pampanga Rep. Mikey Arroyo, ang nasabing apela ay muli umanong ipinalalabas ngayon.
“The public is hereby warned against a misleading article currently circulating online through the website celeb.phshowbiz.com and being posted on Facebook pages, including Mr. Ramon Tulfo and Daily Vibe, titled ‘Gloria Macapagal-Arroyo asks for prayers as family faces health struggles,'” nakasaad sa advisory.
“This article is NOT from a legitimate or verified news organization and is misleading in its presentation, as it makes the content appear recent or newly released. The recirculation of this article outside its proper context may cause confusion and misinformation,” nakasaad pa dito.
Umapela ang pamilya Arroyo na iwasan na ishare pa naturang fake news gayundin ay pinaalalahanan na huwag agad maniniwala sa mga impormasyon na hindi nanggaling sa credible news organizations at verified social media accounts. Gail Mendoza
