MANILA, Philippines – Malugod na tinatanggap ng abogadong si Jesus Falcis ang pagkakatalaga ni dating Justice secretary Jesus Crispin Remulla sa bago nitong posisyon bilang Ombudsman.
Ayon kay Atty. Falcis, walang humpay at walang takot sa pag-uusig ng mga kaso si Remulla, maliit man o malaki tulad ng mga nawawalang sabungero at ngayon ay ang anomalya sa flood control.
Umaasa naman si Falcis na ibabalik ni Remulla ang tuntunin sa konstitusyon sa pagsisiwalat sa publiko ng mga SALN at agresibo at masigasig na ituloy ang mga kaso ng katiwalian.
Samantala, uupong acting secretary si DOJ Undersecreatry Fredderick Vida kapalit ni Ombudsman Remulla. Jocelyn Tabangcura-Domenden
