MANILA, Philippines – Sinubukan ng ilang solo parents at local social welfare and development officers (LSWDOs) mula sa iba’t ibang local government units (LGUs) ang bagong Solo Parent ID System sa isang walkthrough na inorganisa ng Department of Social Welfare and Development (DSWD) noong Huwebes (Oktubre 23) sa Central Office sa Quezon City.
Ayon sa DSWD ang hands-on na aktibidad ay nagsilbing bahagi ng soft launch ng online platform, na nagbigay sa mga kalahok ng simulation ng registration, verification, at mga proseso ng pagbuo ng ID.
Nabatid pa sa DSWD na nilalayon din nitong subukan at galugarin ang system habang ginagamit ang feedback ng mga stakeholder upang makatulong na mapabuti ang inisyatiba.
Para sa pilot na pagpapatupad sa Nobyembre, sinasalamin ng system ang pagtulak ng DSWD na pasimplehin at gawing digital ang pagproseso ng solo parent ID, alinsunod sa Expanded Solo Parents Welfare Act o Republic Act (RA) No. 11861. Ang partner-developer na VISCION ng DSWD ay nagpakita ng mga pangunahing tampok ng system at nagbigay ng mga paglilinaw sa mga katanungan ng mga kalahok.
Kaugnay nito nanguna sa paglulunsad ng Solo Parent ID System ay sina Asst. Secretary Ada Colico ng DSWD’s Protective Programs, Asst. Secretary Johannes Paulus Acuña ng Information and Communications Technology Management Service (ICTMS) at Direktor Alfrey Gulla ng Protective Services Bureau (PSB). (Santi Celario)
