MANILA, Philippines- Itinaas ang Signal number 1 sa Itbayat, Batanes sa muling pagpasok ni bagyong Julian sa Philippine Area of Responsibility (PAR), ayon sa PAGASA sa 11 a.m. bulletin nitong Huwebes.
Sa ilalim ng Signal No. 1, inaasahan ang hangin na may bilis na 39-61 km/h sa hindi bababa sa 36 oras o intermittent rains sa loob ng 36 oras, batay sa PAGASA.
Sinabi ng state weather bureau na inaasahang magla-landfall si Julian sa southwestern Taiwan ngayong Huwebes ng hapon.
“Due to a combination of incoming northeasterly wind flow over the East China Sea and Taiwan Strait and lower ocean heat content in its vicinity (which is related to upwelling of cooler waters caused by its slow movement for nearly three days), JULIAN is forecast to continue weakening,” anang PAGASA.
“Despite its re-entry in the PAR region, no direct effect is anticipated over the country except for Batanes, which is relatively close to Taiwan,” dagdag ng PAGASA.
Kumikilos sa direksyong East Northeastward, ang tropical cyclone ay may maximum sustained winds na 120 km/h malapit sa sentro at gustiness hanggang 165 km/h. RNT/SA
