MANILA, Philippines — Tatlong senior police officials ang nabigyan ng bagong assignment sa pinakahuling reorganization ng Philippine National Police (PNP).
Sa kautusan noong Marso 9, itinalaga ni PNP chief Gen. Jose Melencio Nartatez Jr. si Brig. Gen. Hansel Marantan, dating hepe ng Highway Patrol Group (HPG), bilang bagong director ng Police Regional Office Calabarzon (PRO 4A).
Papalitan ni Marantan si Brig. Gen. Paul Kenneth Lucas na itinalaga bilang director ng Special Action Force (SAF) bago ang pagreretiro ni SAF chief Maj. Gen. Mark Pespes.
Samantala, si Jessie Tamayao, na kasalukuyang executive officer ng Directorate for Police Community Relations (DPCR), ang hahalili bilang bagong HPG director.
Naging epektibo ang reshuffle nitong Lunes. Santi Celario
