MANILA, Philippines – Niyanig ng magnitude 5.1 na lindol ang Balut Island sa Sarangani, Davao Occidental nitong Miyerkules ng umaga, Oktubre 28.
Ayon sa Philippine Institute of Volcanology and Seismology (PHIVOLCS), ang lindol ay tumama 7:43 ng umaga at naitala 21 kilometro hilaga ng Balut Island.
May lalim itong 18 kilometro.
Iniulat ang Intensity III ng lindol sa General Santos; Kiamba, Malapatan, at Malungon, Sarangani; at Tupi, South Cotabato
Intensity II naman sa Maasim, Sarangani habang Intensity I sa Santo Niño, South Cotabato at Kidapawan, Cotabato.
Naitala naman ang mga sumusunod na instrumental intensities:
Intensity IV – Sarangani, Davao Occidental; Alabel, Sarangani
Intensity III- Malapatan at Malungon, Sarangani; General Santos; Tupi, South Cotabato
Intensity II- Santo Niño, South Cotabato; Jose Abad Santos, Don Marcelino, at Santa Maria, Davao Occidental; Kiamba, Maitum, at Maasim, Sarangani; Lake Sebu, South Cotabato
Intensity I – City of Digos at Matanao, Davao del Sur; City of Koronadal at Surallah, South Cotabato
Ayon sa PHIVOLCS, ito ay aftershock ng magnitude 7.8 na tumama sa Sarangani noong Hunyo at magnitude 6.5 sa Davao Occidental.
Dahil dito ay agad na sinuspinde ng Sarangani provincial government ang face-to-face classes at trabaho sa pamahalaan.
Samantala, iniulat din ni PHIVOLCS director Teresito Bacolcol ang panibagong magnitude 5.4
na lindol 9:11 ng umaga.
May lalim itong 10 kilometro at tectonic in origin. RNT/JGC
