MANILA, Philippines- Nanumpa si senator-elect Paolo Benigno “Bam” Aquino IV nitong Biyernes sa bayan ng Concepcion, Tarlac.
Pinangasiwaan ni Concepcion Mayor Noel Villanueva ang oath-taking ni Aquino sa isang seremonya sa Concepcion Municipal Government Center.
Dumalo sa nasabing seremonya ang mga lokal na opisyal ng Tarlac, kabilang sina Representatives Jaime Cojuangco (First District) at Bong Rivera (Third District).
Si Aquino ang pumangalawa sa 2025 senatorial elections sa 20,971,899 boto at nanguna sa Senate race sa Tarlac. RNT/SA
