MANILA, Philippines – Sinabi ng ka-alyado ni Vice President Sara Duterte na si Senador Ronald “Bato” dela Rosa na siya at ang iba pang mga senador ay hindi naniniwalang maisasagawa ng 20th Congress ang impeachment trial ng Bise Presidente na pinasimulan sa 19th Congress.
“Based on my readings, based on my research, I am inclined to believe na hindi na pwedeng tumawid sa next congress. ‘Yan ang aking nakikita ah,” sinabi ni Dela Rosa.
“Hindi ako abogado pero nagre-research ako. Nang pinag-aralan ko, ‘yan ang nakikita ko,” dagdag niya.
Ani Dela Rosa, ganito rin ang naiisip ng ibang mga senador.
“Marami ring naniniwala na hindi na talaga dapat tatawid. For example, si Senator Tolentino kahapon during his manifestation. Very clear naman ‘yung manifestation niya, ‘di ba? ‘Yung kanyang explanation very clear naman. Hindi lang siya. Marami pa. Marami pang ibang naniniwala,” sinabi pa ni Bato.
“Ang question diyan is ‘yung material time. ‘Yan ang pinaka-issue diyan. But as to whether or not aaksyunan ng Senado, it is incumbent on the part of the Senate to act on that once the articles of impeachment are transmitted to the Senate. Hindi ‘yan pupwedeng hindi aksyunan. Aaksyunan ‘yan. Pero ‘yun nga, ang tanong diyan ‘yung material time kung kakayanin ba within this 19th Congress,” dagdag pa ng senador.
“Kasi kung hindi kakayanin, meron nanamang another issue diyan, kung pwede bang itawid sa next Congress. Madugo na debate ‘yan. Kung pwede bang tumawid o hindi.”
Ani Dela Rosa, ito ay magiging isang ‘unfinished business’ ng Senado na maibabasura kapag natapos na ang 19th Congress.
“That’s one of the unfinished business. Whether legislative or other business of the Senate, but still unfinished business dahil nga independent ‘yung 19th Congress from the 20th Congress and vice versa. So kung anong nasimulan nitong 19th Congress, hindi binding ‘yung 20th Congress na ipagpatuloy ‘yung ginawa ng 19th Congress. Kasi they are separate worlds, another Congress, and the question on jurisdiction will come in. Finile ‘yan sa 19th Congress, magiging question diyan is may jurisdiction ba ang 20th Congress na makialam sa impeachment case na finile sa 19th Congress. Malaking question ‘yan at alam ko despite the fact na merong opposing schools of thought, madugo ang kanilang debate,” paliwanag ni Dela Rosa. RNT/JGC
