MANILA, Philippines – Kinumpirma ni dating DPWH Secretary Manuel Bonoan ang pagsusumite niya sa prosekusyon ng ‘counter-affidavit’ hinggil sa reklamo sa kanyang pagharap sa preliminary investigation ngayong araw sa Department of Justice (DOJ).
Reklamong plunder ang kinakaharap ng dating kalihim kaugnay sa isyu ng korapsyon sa maanomalyang flood control projects
Kapwa respondent ni Bonoan sa plunder case si Senator Jinggoy Estrada.
Bukod kay Estrada, kabilang rin sa mga respondents maging mga state witnesses na sina former Public Works Use. Roberto Bernardo, Gerard Opulencia, at Henry Alcantara.
Maliban sa plunder, kanilang kinakaharap pa ang paglabag sa Section 3(e) ng Republic Act 3019 o ang Anti-Graft and Corrupt Practices Act, reklamong Direct Bribery and Receiving Gifts by Public Officers at Corruption of Public Officers.
Nakatakda naman ang susunod na preliminary investigation sa ika-23 ng Pebrero 2026 kung saan dadalo umano si Sen. Estrada, ayon kay DOJ Spokesperson Atty. Polo Martinez. Jocelyn Tabangcura-Domenden
