MANILA, Philippines — Sinuspinde ang ilang biyahe ng ferry sa pagitan ng Puerto Galera at Batangas nitong Huwebes, Hulyo 2, bunsod ng patuloy na epekto ng Tropical Depression Henry, ayon sa Philippine Ports Authority (PPA).
Sa inilabas na advisory alas-8:00 ng umaga, inanunsyo ng PPA ang kanselasyon ng mga biyahe ng Pterippus fastcraft: Pterippus I na may oras na 8:15 a.m. at 2:30 p.m., at Pterippus II na may oras na 10:00 a.m. at 3:45 p.m.
Hindi rin bibiyahe ang 3:45 p.m. ferry service mula Bacolod City patungong Batangas, ayon sa PPA.
Nauna nang iniulat ng Philippine Atmospheric, Geophysical and Astronomical Services Administration (Pagasa) na nakararanas ng katamtaman hanggang malalakas na hangin at maalong karagatan sa kanlurang baybayin ng Luzon dahil sa Tropical Depression Henry. RNT
