MANILA, Philippines- Nagbabala ang China sa Pilipinas laban sa flotilla ng civilian ships na naglayag sa Bajo de Masinloc o Scarborough Shoal upang igiit ang territorial sovereignty dito.
Sinabi ni Wang Wenbin, tagapagsalita ng China’s Foreign Ministry, tutugunan ang umano’y pag-abuso sa pagpayag ng China sa Filipino fishing boats sa West Philippine Sea.
”China made a goodwill arrangement in 2016 for Filipino fishermen to fish with a small number of small fishing boats in the adjacent waters of Huangyan Dao, while China continues to oversee and monitor relevant activities of the Filipino fishermen in accordance with law,” giit ni Wang sa isang press conference.
”If the Philippines abuses China’s goodwill and infringes upon China’s territorial sovereignty and jurisdiction, we will defend our rights and take countermeasures in accordance with the law,” dagdag nito.
Nitong Miyerkules, limang wooden-hulled commercial fishing ships at halos 100 fishing boats ang naglayag patungo sa Bajo de Masinloc, isang feature sa West Philippine Sea, na inaasahang matatapos sa loob ng tatlong araw.
Nasa dalawang China Coast Guard (CCG) vessels naman ang namataang umaaligid sa convoy ng mga barko.
Nanindigan ang China na bahagi ng teritoryo nito ang West Philippine Sea, kasama ang Bajo de Masinloc. “Indisputable” umano ito, ayon kay Wang.
Sakali umanong kontrahin ito ng Pilipinas, inihayag ni Wang, “relevant responsibilities and consequences shall be borne solely by the Philippines.” RNT/SA
