MANILA, Philippines – Pinangalanan na bagong tagapagsalita ng Philippine Coast Guard nitong Biyernes, Setyembre 27 si Commodore Algier Ricafrente.
Pinalitan ni Ricafrente si Rear Admiral Armando Balilo, na magreretiro na sa Setyembre 30 matapos ang tatlong dekadang serbisyo.
Kasabay ng turnover ceremony, nagpasalamat si Balilo sa stakeholders ng Coast Guard Public Affairs Service (CGPAS) kabilang ang media, at hiniling na salubungin si Ricafrente.
“Tuwing may krisis o problemang kinasasangkutan ang PCG o sinumang miyembro nito, lagi niyo kaming nilalapitan para malaman ang bahagi ng aming istorya,” aniya.
“I hope that this turnover ceremony will further ignite our desire to transform the nation through stories that are truthful, useful, and worthy of dissemination. Let us keep on strengthening our relationship as we work towards providing better service to the Filipino nation,” dagdag pa niya.
Si Balilo ay itinalagang PCG spokesperson noong 2003. RNT/JGC
