MANILA, Philippines – Ililipat sa Department of the Interior and Local Government (DILG) si government contractor Curlee Discaya sa Lunes, Hunyo 8, ayon kay Interior and Local Government Secretary Jonvic Remulla.
“Upon advice of [Senate President Pro Tempore Win Gatchalian], since the courts are closed, he will be released to us Monday morning,” ani Remulla sa isang text message.
“We will book him in the Senate and bring him straight to Bulacan,” dagdag niya.
Si Discaya ay kasalukuyang nakakulong sa Senado matapos i-cite in contempt ng Senate Blue Ribbon Committee dahil umano sa pagsisinungaling sa imbestigasyon sa flood control scandal.
Nauna rito, naglabas ng arrest order ang Bulacan Regional Trial Court Branch 20 laban kay Discaya, sa kanyang asawa na si Sarah, at iba pang co-accused kabilang ang mga opisyal ng St. Timothy Construction at ilang dating inhinyero ng Department of Public Works and Highways.
Kasama rin sa kaso ang Office of the Ombudsman para sa kasong malversation o paglustay ng pondo ng gobyerno sa ilalim ng Article 217 ng Revised Penal Code, kaugnay ng falsification ng mga dokumento.
Ayon sa ulat, ang kaso ay hindi na piyansable.
Sina Sarah Discaya at Ma. Roma Rimando ay kasalukuyang nakakulong na sa Lapu-Lapu City Jail kaugnay ng hiwalay na kaso ng umano’y P96.5-milyong ghost flood control project sa Davao Occidental.
Habang sina Brice Hernandez at Jaypee Mendoza ay nakakulong sa New Quezon City Jail dahil sa kasong may kaugnayan sa umano’y anomalous na P92.8-milyong infrastructure project sa Pandi, Bulacan. RNT/MND
