MANILA, Philippines – PINAALALAHANAN ng Department of Education (DepEd) ang mga mag-aaral, magulang at publiko na ang pagpapakalat ng fake news, pagsasagawa ng mga nakakagambalang kalokohan, at paggawa ng bomb threats sa mga eskuwelahan ay punishable offenses sa ilalim ng discipline policy ng isang eskuwelahan.
Ang paalala ay sa gitna ng serye ng kamakailan lamang na insidente na may kaugnayan sa false school threats na nagresulta ng panic at nagambalang klase sa ilang paaralan.
“School safety is everyone’s responsibility. Fake news, dangerous pranks, and bomb threats are never harmless—they disrupt learning and put others at risk. Through the ESMLE policy, we are holding learners accountable while ensuring fairness and due process,” ayon kay Education Secretary Sonny Angara sa isang kalatas.
Sa ilalim ng DepEd Order No. 006, s. 2026, o Guidelines on Ensuring a Safe and Motivating Learning Environment (ESMLE), ang pagbahagi ng fake news o false information na lumilikha ng kalituhan o kaguluhan sa eskuwelahan ay classified bilang first-level offense, kasama ang disruptive behavior at pranks na ginawa sa loob ng school premises o sa panahon ng school-sanctioned activities.
“A first offense carries a written reprimand and written notice to parents, while a second offense merits another written reprimand and the issuance of an official call slip summoning parents. A third offense may result in suspension of up to five school days, with alternative learning modalities provided during the suspension,” ayon sa DepEd.
Samantala, ang paggawa ng bomb threats o bomb jokes ay classified naman bilang third-level offense dahil sa malubhang panganib na maaaring maidulot nito sa mga mag-aaral, school personnel, at sa publiko.
Sa ilalim ng polisiya, “a first offense is punishable by non-readmission and referral to appropriate government agencies for intervention, while a second offense may result in exclusion from the school, referral to authorities, and appropriate interventions.”
Sinabi ng DepEd na ipinakita ng kamakailan lamang na insidente na ang ‘false information, dangerous pranks, at bomb threats’ ay maaaring mauwi sa ‘panic, suspend classes, at ma- divert ang school at emergency resources.’
Kaya nga, hinikayat ng departamento ang mga mag-aaral na pag-isipan mabuti bago mag-post at magbahagi ng impormasyon sa online at umiwas na magpartisipa sa pranks o aktibidad na maaaring makompromiso ang kaligtasan ng paaralan.
Nanawagan din ito sa mga magulang, guro at school officials na magsanib-puwersa sa pagpo-promote ng responsableng pag-uugali at tiyakin na ang eskuwelahan ay mananatiling ligtas, maayos at nakatutulong sa pag-aaral. KRIS JOSE
