MANILA, Philippines – Magsasagawa na ng deportation proceedings ang Bureau of Immigration (BI) laban sa isang Amerikanong pastor na naaresto dahil sa umano’y pang-aabuso sa 160 bata sa Pampanga.
Noong Agosto 13, inaresto ng mga awtoridad ang pastor sa umano’y pisikal na pang-aabuso sa bata sa pasilidad na pinatatakbo ng social welfare and development agency sa Mexico, Pampanga.
Hindi rin pinapakain ang mga ito, itinatali o kaya naman ay ikinakandado umano sa mga kwarto.
“This kind of depravity has no place in our country. We will make sure this individual is expelled from the Philippines after facing his cases here so he may never prey on our children again,” ayon kay BI Commissioner Joel Anthony Viado. RNT/JGC
