MANILA, Philippines – Hinimok ng mga miyembro ng minorya ng Senado ang mga awtoridad na makipag-usap kay Senador Ronald “Bato” Dela Rosa, kasunod ng anunsyo ng P50 milyong pabuya para sa ikaaaresto ng nagtatagong senador.
Sa pahayag, sinabi ng minority bloc senators na nakikiisa sila kay Dela Rosa sa “defending his right to due process” at suporta sa kanyang panawagan na sagutin ang mga akusasyon laban sa kanya sa lokal na korte.
Sinabi naman ng mga mambabatas na naiintindihan nila ang “government’s desire to resolve this situation” and stressed that a “peaceful resolution that respects our laws and protects lives remains possible.”
“Senator Dela Rosa has publicly stated that he is prepared to face accusations and charges before Philippine courts. He has also called for peaceful support. We ask the government to consider his stated willingness as a basis for dialogue,” saad pa sa pahayag.
“The Minority is ready to help work out a lawful process through which the allegations can be heard and answered, with fairness to those seeking justice and a full opportunity for him to defend himself,” dagdag ng mga senador.
Nitong Biyernes, inanunsyo ni Interior Secretary Jonvic Remulla na si Dela Rosa ay ikinokonsidera nang armado at mapanganib, at nag-alok ng P50 milyong pabuya sa ikaaaresto nito.
Matapos ang anunsyo, nag-isyu naman si Philippine National Police chief Gen. Jose Melencio Nartatez Jr. ng ultimatum at binigyan si Dela Rosa ng isang linggo para sumuko. RNT/JGC
