INANUNSYO ni Department of Finance (DOF) Secretary Ralph Recto na may inilaang Php53.26 bilyon na subsidiya ang Philippine Health Insurance Corporation (PHILHEALTH) sa nakatakdang isumiteng pambansang badyet para sa 2026.
Layunin ng ilalaang pondo na mas palawakin at pagandahin pa ang mga benepisyo ng PHILHEALTH nang hindi na kailangan pang magtaas ng kontribusyon mula sa mga miyembro.
Ang sakit, maaaring dumapo kahit kanino – wala itong pinipiling oras o edad. Upang tugunan ito, pinalawig ng PHILHEALTH ang benepisyong pang-Primary at Outpatient Care.
Ayon kay Dr. Edwin M. Mercado, PhilHealth Acting President and CEO. “Sa PhilHealth Yakap, nais ng ating Pangulong Marcos na maiparamdam sa bawat Pilipino na posibleng unahan ang sakit, posibleng maging malayo sa sakit.”
Kaya nabuo ng PhilHealth ang “Yakap” bilang isang ebolusyon ng Konsultasyong Sulit at Tama (Konsulta) upang maisama sa iba pang pangunahin at outpatient na pagkukusa sa pangangalaga ng PhilHealth.
Nag-aalok ito ng pinalawak na pakete ng naa-access na mga serbisyong pangkalusugan, kabilang ang mga gamot, check-up at mga pangunahing pagsusuri sa laboratoryo.
Sa malapit na termino, ang mga pagsusuri sa pagsusuri sa kanser ay magiging available para sa mga miyembro nang walang bayad.
Batay sa datos ng DOF, inaasahang aabot sa Php348 bilyon ang kabuuang pondo ng health corporation sa pagtatapos ng 2025, kahit pa may pinalawak na benepisyo para sa mga miyembro.
Ayon kay Secretary Recto, inaasahang tataas ng 30 porsyento hanggang 50 porsyento ang halaga ng mga benefit package, bagay na itinuturing niyang malaking hakbang sa pagpapabuti ng serbisyong medikal.
Gayunpaman nananatiling suliranin ang kakulangan ng mga ospital, partikular sa mga lalawigan.
Sa kabila nito, tiniyak ng kalihim na may plano ang Marcos administration na pahusayin ang mga pasilidad ng mga ospital na pinamamahalaan ng Department of Health ngayong taon at sa mga susunod pa.
Pagbibigay-riin ni Secretary Recto, nananatiling prayoridad ni President Ferdinand “BBM” Marcos, Jr. ang edukasyon at ang kalusugan.
Alinsunod sa Universal Health Care Law, ang bawat Filipino ay miyembro ng PHILHEALTH. Batay sa sensus ng Philippine Statistics Authority, nasa 112.79 milyon ang populasyon ng bansa noong Hulyo 2024.
Ang mga walang kakayahang magbayad o indirect members batay sa ebalwasyon ng Department of Social Welfare and Development ay sinasagot ng pamahalaan sa pamamagitan ng subsidiya.
Hanggang sa kasalukuyan ay nakabinbin pa sa Supreme Court ang mga petisyong inihain ng iba’t ibang grupo na kumukuwestiyon sa ‘zero subsidy’ na ibinigay sa PHILHEALTH sa 2025 general appropriations act.
