DOJ, DILG, PNP chiefs pinaiimbestigahan ni Imee sa Ombudsman sa Duterte arrest

MANILA, Philippines – Pinaiimbestigahan ni Senate Foreign Relations Committee Chair Sen. Imee Marcos sa Office of the Ombudsman ang ilang matataas na opisyal ng pamahalaan dahil sa umano’y ilegal na pag-aresto at pagsuko kay dating Pangulong Rodrigo Duterte sa International Criminal Court (ICC).

Kabilang sa mga inihaing reklamo ay sina:

>Justice Sec. Jesus Crispin “Boying” Remulla

>DILG Sec. Juanito Victor “Jonvic” Remulla

>PNP Chief Gen. Rommel Francisco Marbil

>CIDG Director Nicolas Torre III

>Amb. Marcus Lacanilao, Special Envoy on Transnational Crime

Ayon kay Sen. Marcos, posibleng lumabag ang mga opisyal sa RA 3019 (Anti-Graft and Corrupt Practices Act) at maaari ring kasuhan ng Grave Misconduct, Usurpation of Official Function, at Perjury.

Sa kanyang press conference sa Senado, iginiit ni Marcos na ang nasabing pag-aresto ay planado at may layuning pulitikal, at layong sirain ang reputasyon ng mga Duterte bago sumapit ang halalan sa 2028. RNT