MANILA, Philippines – Nakipagpulong si Department of Labor and Employment (DOLE) Secretary Francis N. Tolentino kay Ambassador Lee Dong-gy ng Embassy of the Republic of Korea noong Okt. 12, 2026 sa DOLE Central Office sa Intramuros, Manila para talakayin ang pagpapabilis ng Alien Employment Permit (AEP) processing at ang panukalang training center para sa eco-friendly shipbuilding specialists.
Tinalakay ng DOLE at Korean Embassy ang mga hakbang para gawing mas episyente at napapanahon ang AEP processing, kasunod ng mga ulat ng Korean companies sa Pilipinas hinggil sa delay at hamon sa application requirements.
Ayon kay Secretary Tolentino, sinimulan na ng DOLE ang digitalization at centralization ng AEP processing upang mas mapadali ang transaksyon ng mga dayuhang manggagawa at kanilang employers.
“We are addressing this because we centralized the system. It would entail digitalizing everything. I think we really have to fast track these. Help us also by facilitating the submission of requirements. It’s online. They do not have to travel all the way to Manila. Even payments can be done online,” ani Tolentino.
Tinalakay din sa pulong ang proposed Korean Official Development Assistance (ODA) project para sa pagtatayo ng training center para sa eco-friendly shipbuilding specialists sa Pilipinas. Layunin nitong linangin ang kakayahan ng mga manggagawang Pilipino sa sustainable shipbuilding at ihanda sila sa pangangailangan ng maritime industry.
Ayon kay Ambassador Lee, layon ng kolaborasyon na ikonekta ang skills development sa aktwal na employment, partikular sa shipbuilding at semiconductor manufacturing, upang makabuo ng ‘virtuous cycle’ kung saan ang pagsasanay ay humahantong sa trabaho at mas bihasang workforce.
Ang mga inisyatibong ito ay nakaayon sa direktiba ni Pangulong Ferdinand R. Marcos Jr. na palakasin ang international partnerships, i-upskill ang mga manggagawang Pilipino, at palawakin ang employment opportunities sa pamamagitan ng skills development at technical cooperation.
Kasama ni Secretary Tolentino sa pulong sina Undersecretary Carmela I. Torres, Undersecretary Felipe N. Egargo, Jr., at OIC-Assistant Secretary Labor Arbiter Catherine L. Parado, habang kasama naman ni Ambassador Lee sina First Secretary Song Hyuntae, Consul Choi Kwangsik, at Economic Researcher Patricia Andal. Jocelyn Tabangcura-Domenden
