MANILA, Philippines – Diretsahang kinumpirma ni Public Works Acting Secretary Vince Dizon nitong Biyernes na walang ghost projects sa Taguig sa ginanap na pagdinig ng Senate committee on finance sa badyet nito sa 2027.
Lumabas ang pag-amin ni Dizon sa pagtataanong ni Senate Minority Leader Alan Peter Cayetano sa deliberasyon sa panukalang P644 bilyong badyet ng Department of Public Works and Highways (DPWH) sa 2027 nitong September 25.
“Meron bang ghost projects sa Taguig?” tanong ng Taguigeñong senador kay Dizon.
Agad naman itong sinagot ng kalihim: “Sa aming imbestigasyon, wala po.”
Kabuuang 107 ang mga proyekto ng DPWH sa Taguig at bawat isa ay may “accomplishments,” ayon kay DPWH Undersecretary Ricardo Bernabe III.
“I’ll stop there and everyone’s open to look at it: the media, any investigating [body]…because I myself want to know if there are ghost [projects]. Because ever since the controversy started, we kept asking questions in our own area, even though I’m not from the DPWH,” ayon kay Cayetano.
Kasunod, inungkat naman ni Cayetano kay Dizon kung ano ang naging pagkilos ang ahensiya laban sa ilang kontraktor na sangkot sa flood control scandal.
“About 19 contractors had either been charged or referred for criminal and civil cases, while 11 had been blacklisted,” ayon kay Dizon.
Nilinaw din ni Dizon na maaaring magbago ang kasong administratibo na ipinataw sa mga kontracktor na may “blacklisting being the highest administrative penalty.”
Ginarantiya rin ng ahensya na bukas ang kanilang imbestigasyon sa media at lahat ng nais makaalam sa detalye nito.
