MANILA, Philippines – Inihayag ng Philippine National Police (PNP) nitong Biyernes na ang driver ng dating DPWH Undersecretary Catalina Cabral ay itinuturing na “person of interest” matapos ang biglaang pagkamatay niya noong Huwebes ng gabi.
Ayon sa pulisya, namatay si Cabral matapos diumano mahulog mula sa isang bangin sa Kennon Road, Tuba, Benguet.
Sinabi ng PNP na labag sa karaniwang pag-uugali ng tao na iiwan ang isang VIP sa liblib na lugar, lalo na’t ang kanyang bag at cellphone ay nasa sasakyan pa rin. Dagdag nila, ang pagiging POI ay hindi nangangahulugang suspek pa.
Ayon sa driver, bandang 3 p.m., pauwi sila sa La Union nang hilingin ni Cabral na ihinto siya sa Kennon Road at siya’y iiwan doon. Pumunta ang driver sa malapit na gasolinahan, ngunit nang bumalik bandang 5 p.m., wala na si Cabral. Pumunta siya sa hotel kung saan siya dapat nag-stay, pero wala rin.
Iniulat ng driver ang pagkawala kay Cabral sa pulis bandang 7 p.m., at bandang 8 p.m., natagpuan ang kanyang katawan sa gilid ng Bued River, hindi bababa sa 20 metro mula sa kalsada.
Sinabi ng PNP na tumanggi ang pamilya ni Cabral na isailalim sa autopsy ang kanyang katawan. RNT/MND
