MANILA, Philippines-Tinukoy ng World Health Organization nitong Miyerkules ang EG.5 coronavirus variant na kumakalat sa United States at China bilang “variant of interest” subalit nilinaw na hindi kasing laki ang bantang hatid nito pampublikong kalusugan kumpara sa ibang variant.
Natukoy din ang fast-spreading variant, na sa United States ay tinatayang mahigit 17% ng mga kaso, sa China, South Korea, Japan at Canada.
“Collectively, available evidence does not suggest that EG.5 has additional public health risks relative to the other currently circulating Omicron descendent lineages,” anang WHO sa isang risk evaluation.
Kinakailangan umano ng mas komprehensibong pagsusuri sa bantang hatid ng EG.5, dagag nito.
Nasawi sa COVID-19 ang mahigit 6.9 milyon sa buong mundo, na may mahigit 768 milyong kumpirmadong kaso mula nang lumitaw ang virus. Iidineklara ng WHO ang outbreak bilang panemya noong Marso 2020 at natapos ang global emergency status para sa COVID-19 nito lamang Mayo ng kasalukuyang taon. RNT/SA
