Fukuoka, Japan – Finally, iginawad na ng World Class Excellence Japan (WCEJA) chairman Emma Cordero ang natatanging parangal para kay Marlene dela Pena sa kanyang 45th year sa music industry. Ni-recognize ni ng WCEJA si Marlene bilang World Class Performing Artist.
Ang awards night ay ginanap sa New Otani Hotel, Fukuoka Japan kung saan ito pinuntahan ng maraming Pinoy at Japanese nationals.
Si Marlene ay nagsimula bilang jazz performer sa Pinas na sumikat at nagkaroon ng malaking pangalan sa Japan.
Pumirma siya ng kanyang unang international recording contract sa CBC Sony kung saan ang dalawa sa kanyang album ay napasama agad sa sikat at prestigious na Oricon Chart.
Sinabi pa ni Emma na matagal nang plano ng board of directors ng WCEJA na bigyan ng parangal si Marlene at itinaon nga ito ng nasabing award giving body sa kanyang 45th year sa music industry.
“Sobrang sikat at ginagalang si Marlene sa Japan bilang isang performer. Talagang proud sa kanya ang mga Filipino sa Japan at pati na ang mga Japanese nationals, e, bumibilib din sa kanya.
“In behalf of WCEJA, we are proud to have Marlene in our list of awardees at sobra kaming happy sa kanya na at her age (64 years old), very active pa rin siya sa music scene internationally,” sabi pa ni Emcor.
Samantala, pinarangalan din ng WCEJA ang iba pang deserving na Fil-Jap sa Japan at ng mga appointed beauty queens gaya nina Joey Maeda, Eden Encinas, Ruth Kawashima at iba pa.
Early this year ay pinarangalan din ng WCEJA si Nora Aunor bilang People’s National Artist. JP Ignacio
