MANILA, Philippines – Nagbabala ang BAN Toxics sa pagdami ng mga unregistered at unlabeled na laruan para sa mga bata na ibinebenta sa mga pamilihan bago ang holiday season.
Sa market monitoring sa Metro Manila, nakita ang mga walang label na toy cars, dolls, robots, battery-operated toys, squishy toys, kitchen sets, toy makeup sets, bubble toys, at iba pa.
Ayon sa FDA Advisory No. 2020-2022, dapat mayroong License to Operate (LTO) number, age grading, warnings, instructions, pangalan at address ng manufacturer, at SKU number ang mga Toys and Child Care Articles (TCCA).
“Most of the toys sold in the market lack the required labeling information, casting doubt on their safety. These items, which have not undergone proper screening, may contain toxic chemicals that pose risks to children’s health and safety,” ani Thony Dizon ng BAN Toxics.
Noong nakaraang taon, 125 sa 200 toy samples o 63% ang nagpositibo sa lead, na may lebel mula 100 hanggang 6,000 ppm. Natuklasan din ang arsenic, cadmium, mercury, at iba pang toxic metals.
Ayon sa WHO, maaaring maapektuhan ng lead ang brain development ng bata, na magdudulot ng pagbaba ng IQ at attention span.
Nanawagan ang BAN Toxics sa FDA, DTI, at LGUs na mahigpit na ipatupad ang RA 10620 o Toy and Game Safety Labeling Law at bawiin ang mga mapanganib na laruan sa merkado.
Pinayuhan ang publiko na i-check ang label, pumili ng naaayon sa edad, iwasan ang painted toys, at i-verify ang produkto sa https://verification.fda.gov.phJocelyn Tabangcura-Domenden