Ex-CIDG chief Macapaz, sinuspinde ng Napolcom

MANILA, Philippines – Inilagay ng National Police Commission (Napolcom) si dating Philippine National Police-Criminal Investigation and Detection Group (PNP CIDG) Director Brig. Gen. Romeo Macapaz sa ilalim ng preventive suspension ng hanggang 90 araw.

Inanunsyo ni Napolcom Vice Chairperson at Executive Officer Rafael Calinisan ang suspensiyon sa isang press conference sa tanggapan ng ahensya sa Quezon City noong Huwebes.

“Ang respondent (Macapaz) ay sadyang hinahadlangan, at binigo ang pagsisiyasat sa kaso ng nawawalang mga sabungero sa pamamagitan ng legal na pagpili sa kanyang (Elakim) cellphone at ng kanyang kapatid at ang pagtanggi na ibalik ang pareho nang walang anumang balidong dahilan,” isinaad sa resolusyon.

Ito ay kasunod ng reklamong inihain ni Elakim Patidongan, kapatid ng whistleblower na si Julie Patidongan, na inakusahan si Macapaz na pinakialaman umano ang imbestigasyon sa pagdukot sa hindi bababa sa 34 na mga sabungero.

Noong nakaraang linggo, sinampahan ng Napolcom ng administrative charges si Macapaz para sa grave misconduct at conduct unbecoming of a police officer. RNT/MND