MANILA, Philippines – Opisyal na isinailalim ng Department of Public Works and Highways (DPWH) sa Ombudsman ang computer at mga files ni dating Undersecretary Maria Catalina Cabral matapos ang kanyang pagkamatay, kasabay ng imbestigasyon sa flood control scandal.
Ayon sa DPWH, ginamit ni Cabral ang mga ito sa kanyang 10 taong serbisyo sa ahensya. Ang pagsuko ng kagamitan ay ayon sa Subpoena Duces Tecum ng Ombudsman.
Si Cabral, dating Undersecretary for Planning and Public-Private Partnership mula 2014, ay nagbitiw ngayong taon matapos na masangkot sa umano’y korupsyon. Natagpuan siyang patay kamakailan matapos mahulog umano sa isang bangin sa Kennon Road, Tuba, Benguet. RNT/MND
