MANILA, Philippines – Nakapagtala ng rebound ang foreign reserves ng Pilipinas noong Hunyo kasunod ng pagtaas ng deposit ng pamahalaan sa Bangko Sentral ng Pilipinas (BSP) at kita mula sa mga investment.
Sa preliminary data, makikita na ang gross international reserves (GIR)—o sukat ng abilidad na bayaran ang import payments at service foreign debt—ay umakyat sa $105.323 billion sa pagtatapos ng Hunyo, mas mataas sa $105.176 billion noong Mayo, at $105.188 billion sa noong Hunyo 2024.
“The latest GIR level provides a robust external liquidity buffer, equivalent to 7.2 months’ worth of imports of goods and payments of services and primary income,” saad sa pahayag ng BSP.
Sakop ng pinakahuling lebel ang 3.3 beses ng short-term external debt ng bansa batay sa residual maturity.
Samantala, ang net international reserves o pagkakaiba sa reserve assets at reserve liabilities, ay tumaas ng $0.3 billion sa $105.3 billion mula $105.0 billion. RNT/JGC
