MANILA, Philippines – Pansamantalang isususpinde ng Land Transportation Franchising and Regulatory Board (LTFRB) ang frontline services nito sa central office sa Quezon City mula Nobyembre 12 hanggang 13 para sa paglipat sa bagong headquarters.
Ang suspensyon ay epektibo ala-1 ng hapon sa araw ng Huwebes, Nobyembre 12, habang ang frontline services ay unavailable hanggang Biyernes, Nobyembre 13.
Sa abiso, sinabi ng LTFRB na magbibigay-daan ang temporary suspension para mailipat ang mga rekord at kagamitan sa bagong headquarters nito sa Eton Centris sa Quezon City at ihanda ang mga pasilidad para sa pagbabalik ng frontline services sa Nobyembre 19, 2026.
Kasalukuyang matatagpuan sa East Avenue sa Barangay Pinyahan, Quezon City ang central office ng LTFRB. RNT/JGC
