MANLA, Philippines – Ipinagmalaki ni Pangulong Ferdinand R. Marcos Jr. ang mas gumandang ugnayan ng Pilipinas at Canada at ang USD2.5 billion na investment commitments sa kanyang naging four-day official visit sa Canada.
Tinukoy ng Pangulo ang kanyang mga nakuha sa kanyang produktibong byahe.
Ang pagsisimula ng bagong chapter sa relasyon ng dalawang bansa ay pagbibigay -diin sa pagsisimula ng kanilang strategic partnership at mas malakas na investor confidence sa Pilipinas.
Bago pa bumalik ng Pilipinas matapos ang kanyang 4-day official visit, sinabi ng Pangulo na ang pakikipagpulong niya kina Canadian Prime Minister Mark Carney at mahahalagang economic players ang naging daan para palawakin ang pagtutulungan sa seguridad, kalakalan, pamumuhunan, enerhiya at iba pang priority sectors.
“This move, while reflective of the deep and strong bilateral relations that we have developed with Canada, also catalyzes our next steps towards the new phase of our relations in ensuring the sustained and dynamic growth of our bilateral ties,” ayon kay Pangulong Marcos.
Hinggil naman sa economic front, sinabi ni Pangulong Marcos na ang mga pagpupulong kasama ang mga Canadian business leaders ay nagresulta ng USD2.5 billion na investment commitments saklaw ang “mining, critical minerals, energy, services, at information technology and business process management (IT-BPM).”
Pinagtibay naman ng talakayan ang posisyon ng Pilipinas bilang competitive investment destination at reliable partner para sa Canadian businesses na naghahangad na palawakin ang kanilang presensiya sa Indo-Pacific region.
Kabilang sa mga kompanya na tinitingnan at pinag-aaralan ang business expansion sa bansa ay ang B2Gold Corporation, OceanaGold Corporation, Telus Corporation, at NQX.
“Thus, it is already timely that we presently are negotiating a free trade agreement with Canada, which we hope will further strengthen our economic cooperation once it enters into force,” ang tinuran ng Pangulo.
Umaasa naman ang Pangulo para sa pagtatapos ng nagpapatuloy na negosasyon para sa isang ASEAN-Canada free trade agrement ngayong taon, ang kasunduan aniya ay mas makakapagpalalim sa economic cooperation at suporta sa trade diversification sa pagitan ng Pilipinas at Canada.
Welcome naman sa Pangulo ang partisipasyon ng Canada sa Luzon Economic Corridor sa pamamagitan ng initial investment CAD2-million Canadian investment pledge para suportahan ang imprastraktura, supply chain at malinis na energy projects.
“I committed to work with the Prime Minister in standing against economic coercion, increasing our bilateral trade, and building resilient supply chains,” ang sinabi ni Pangulong Marcos.
Sa kabilang dako, inatasan naman ni Pangulong Marcos si Foreign Affairs Secretary Maria Teresa Lazaro na makipag-ugnayan sa Canadian Foreign Minister Anita Anand para gumawa ng ‘plan of action’ na gagabay sa joint efforts sa pagtugon sa umuusbong na global challenges at magpapalakas sa future-ready partnerships.
“This takes into account current global and regional developments, including rapid changes in technology, as well as social and environmental challenges that bring together uncertainty and volatility. And this seems that will have an impact on the future of our two nations,” anito.
Binigyang diin ng Pangulo ang napananatling kasunduan ng Canada kasama ang Indo-Pacific region.
Gayundin, winelcome ng Pangulo ang patuloy na suporta ng Ottawa para sa rules-based international order, partikular na ang pagiging consistent nito sa pagsuporta sa 1982 United Nations Convention on the Law of the Sea at 2016 arbitral award on the South China Sea.
“I convey the hope that as we celebrate the 10th anniversary of the Arbitral Award, Canada will continue to be one of the leading voices in upholding the award as an unassailable part of the corpus of international law,” ayon pa rin sa Punong Ehekutibo.
Binigyang diin naman ni Pangulong Marcos ang progreso ng ‘defense and security cooperation’ sa pamamagitan ng umiiral na kasunduan, kabilang na ang Status of Visiting Forces Agreement at ang Mutual Logistics Support Arrangement.
“These mechanisms translate our commitment to maintain a peaceful and stable region into practical and tangible actions,”aniya pa rin.
Winika pa ng Pangulo na may ilang kasunduan na nilagdaan sa kanyang opisyal na pagbisita sa Canada, sa layuning paghusayin ang pagtutulungan sa turismo, culture and arts, paggawa at migrasyon ng bansa.
Sa high-level roundtable discussions kasama ang nangungunang Canadian firms at industry leaders, binigyang diin ni Pangulong Marcos ang commitment ng Pilipinas na pangalagaan ‘competitive, sustainable at innovation-driven economy.’
“The discussions focused on strengthening cooperation in mining, critical minerals, energy, the ITBPM sector, key industries that will support the country’s industrial transformation, digital economy, and long-term economic resilience,” anito.
“Conversations with the IT-BPM companies also focus on global artificial intelligence hubs and learning centers that will serve as centralized AI (artificial intelligence)-driven facilities to upskill these companies’ global workforce,” ang tinuran ni Pangulong Marcos.
Nakapulong din ng Pangulo ang mga miyembro ng Filipino community sa Canada para ipahatid ang kanyang pasasalamat at pagpapahalaga para sa kanilang pagsisikap at kontribusyon sa ekonomiya ng Pilipinas.
Ang Canada ay tahanan ng halos isang milyong filipino.
“I was heartened by their presence and the positive remarks of the Canadian government officials and ordinary Canadian citizens about the Philippines diaspora and how they are very glad and very happy to have the Filipinos that are here in Canada,” ayon kay Pangulong Marcos.
Sinabi ng Pangulo na ang mga filipino sa Canada ay “widely respected and regarded as a steady and positive force in Canada’s society.”
Gayunman, sinabi ni Pangulong Marcos na kinikilala niya ang pag-amiyenda sa migration law ng Canada na may epekto sa Filipino professionals, sabay sabing ang quota para sa mga Filipino workers ay nabawasan.
Ani Pangulong Marcos, hangad niya ang ‘transparency at clarification’ dahil may ilang probisyon ng bagong batas ang nananatiling “malabo.”
“Of course, it would be highly improper for me to suggest any changes in another country’s law,” ang winika ng Pangulo.
“All we were asking is that to make very clear and very transparent exactly what the rules are, so that the Filipinos here who are already in Canada know their status. We just want to make sure they have been here.”aniya pa rin. (KRIS JOSE)
