MANILA, Philippines- Patuloy na magdudulot ng maulap na kalangitan at ulan ang Southwest Monsoon o Habagat sa kanlurang bahagi ng Northern at Central Luzon ngayong Sabado, ayon sa PAGASA.
Makararanas ang Metro Manila at natitirang bahagi ng bansa ng “partly cloudy to cloudy skies with isolated rain showers or thunderstorms” dahil sa monsoon at localized thunderstorms.
Inaasahan naman sa buong bansa ang light to moderate wind speed patungong south to southwest direction habang ang coastal waters ay magiging slight to moderate.
Sumikat ang araw kaninang alas-5:45 ng umaga at lulubog mamayang alas-6:03 ng hapon. RNT/SA
