MANILA, Philippines- Magpapaulan ang Southwest Monsoon (Habagat) sa ilang bahagi ng Luzon ngayong Lunes, ayon sa PAGASA.
Inaasahan sa Ilocos Region, Benguet, Abra, Zambales, at Bataan ang maulap na kalangitan at kalat na pag-ulan dahil sa monsoon.
Nagbabadya naman sa Metro Manila, Calabarzon, Mimaropa, natitirang bahagi ng Cordillera Administrative Region, at natitirang bahagi ng Central Luzon ang “partly cloudy to cloudy skies with isolated rainshowers or thunderstorms” dahil din sa monsoon.
Makararanas sa natitirang bahagi ng bansa ng “partly cloudy to cloudy skies with isolated rainshowers or thunderstorms” dahil sa localized thunderstorms.
Binabantayan naman ng PAGASA ang isang low pressure area (LPA) sa northeast ng Cagayan.
Kaninang alas-3 ng madaling araw, ang LPA ay tinatayang 220 km northeast ng Aparri, Cagayan.
“In the next 24 hours, mababa ang tsansa na maging ganap na bagyo ito,” ani PAGASA weather specialist Veronica Torres sa isang panayam nitong Lunes.
Base kay Torres, bahagyang pinalalakas ng LPA ang Southwest Monsoon.
Ang coastal waters ay magiging slight to moderate sa Luzon, Visayas, at Mindanao.
Sumikat ang araw ng alas-5:39 ng umaga at lulubog ng alas-6:26 ng hapon. RNT/SA
