MANILA, Philippines – Magpapakalat ang National Capital Region Police Office (NCRPO) ng 9,602 pulis sa buong Metro Manila upang tiyakin ang seguridad at kaayusan sa White Ribbon March ngayong Linggo.
Gaganapin ang martsa sa EDSA People Power Monument sa Quezon City. Inorganisa ito ng mga religious at civil society groups sa pangunguna ng Interreligious Leaders Council for National Transformation (IRCNT) upang isulong ang reporma sa halalan, mas malaking pananagutan sa pamahalaan, at tutulan ang korapsyon at political dynasties.
“Full security is now in effect. With 9,602 NCRPO personnel strategically deployed across Metro Manila, a comprehensive security framework has been activated to preserve public order, safeguard every participant, and ensure the orderly conduct of the White Ribbon Movement,” ayon sa NCRPO
Inaasahan ding magkakaroon ng kaparehong mga aktibidad sa iba pang bahagi ng bansa.
Ayon kay Kidapawan Bishop Colin Bagaforo, maaaring dumalo ang mga pulitiko anuman ang kanilang partido, ngunit hindi sila papayagang magsalita sa programa. RNT/MDS
