Ipinagpatuloy ng Senate Justice and Human Rights Subcommittee na pinamumunuan ni Deputy Minority Leader Sen. Risa Hontiveros ang kanilang imbestigasyon sa iba't ibang isyu kaugnay ng pagtakas ng tinanggal na alkalde ng Bamban, Tarlac na si Alice Guo, mga anomalya na kinasasangkutan ang Bureau of Immigration (BI) at Philippine Offshore Gaming Operators (POGOs), mga alalahanin tungkol sa espionage, at ang patuloy na problema ng human trafficking patungo sa mga scam compounds. Cesar Morales
MANILA, Philippines – Naalarma si Senador Risa Hontiveros sa posibleng banta sa seguridad ng bansa kasunod ng pagkakaaresto sa negosyante na umano’y nagpakilalang Filipino at itinalaga pa sa Philippine Coast Guard Auxiliary (PCGA) service noong 2018.
Si Joseph Sy, chairman ng mining company na Global Ferronickel Holdings Inc., ay na-detain ng Bureau of Immigration (BI) sa umano’y pagkakaroon ng pekeng dokumento sa pagpapanggap nito bilang isang Filipino. Ang tunay na pangalan ni Joseph ay Chen Zhong Zhen.
Nahaharap si Sy sa deportation case sa misrepresentation.
Sa dokumento ng PCG na may petsang Hulyo 26, 2018 na ipinakita ng opisina ni Hontiveros, makikita na batay sa PCG Memorandum Circular 01-14 na may petsang Hunyo 6, 2014, itinalaga si Sy ni dating Adm. Elson Hermogino sa serbisyo ng PCGA Executive Squadron na may honorary rank na auxiliary commodore.
“He is like Alice Guo Part 2. He posed as a Filipino, he has a fake passport, and fake IDs. It seems that the loopholes in processing our nationality remain. While joining the PCGA is voluntary and nongovernment, it’s still sad to imagine that Sy managed to access people and events where our national security can be discussed,” saad sa pahayag ni Hontiveros.
Matatandaan na si Go ay dating alkalde ng Bamban, Tarlac na iniugnay sa illegal na Philippine offshore gaming operator hubs na matatagpuan mismo sa kanyang bayan.
Dito napalitaw ang kanyang kaduda-dudang rekord na isa palang Chinese national at may ibang pangalan.
Si Guo, ay naka-detain sa Pasig City Jail at nahaharap sa kabi-kabilang reklamo kabilang ang 62 counts ng money laundering at qualified trafficking.
“If this businessman is indeed a Chinese national masquerading as Filipino, the Senate must immediately probe his affiliations, background and the circumstances under which he obtained his Philippine documents. We should look into who enabled him and how deep his network goes,” ayon kay Hontiveros. RNT/JGC
