Ilang alagang hayop nalunod sa binahang Arranque Market

MANILA, Philippines – Nalunod ang ilang alagang hayop sa mga pet shop sa basement ng Arranque Market sa Maynila matapos biglang tumaas ang baha.

 Ayon sa isang vendor, inuna nilang ilabas ang gamit pero may naiwan dahil nakalock at mabilis tumaas ang tubig.

Ginawang pansamantalang evacuation area para sa mga nailigtas na hayop ang bangketa sa labas ng palengke.

Hindi pa humuhupa ang baha dahil sira ang water pump ng market.

Bumisitang personal si Manila Mayor Isko Moreno para pangasiwaan ang pag-alis ng tubig. RNT