Ilang lugar sa Davao City binaha!

MANILA, Philippines – Nalubog sa baha ang ilang lugar sa Davao City dahil sa malalakas na pag-ulan nitong Biyernes, Setyembre 8.

Kabilang dito ang Carlos P. Garcia Highway sa Laverna, Brgy. Cabantian, kung saan nagmistulang ilog na ang baha sa kalsada.

Nagdulot na rin ng matinding trapiko ang pagbaha dahil maraming mga sasakyan ang hindi makalusot.

Maliban sa nasabing lugar, nalubog din sa baha ang highway ng Barangay Tibungco at bahagi ng Damosa.

Ayon sa Davao City Disaster Risk Reduction and Management Office, ang malalakas na pag-ulan sa lugar ay bunsod ng southwest monsoon o habagat. RNT/JGC