MANILA, Philippines – Dismayado ang ilang mambabatas sa anila’y paglalabas ng warrant of arrest laban kay Senador Rodante Marcoleta sa unang araw ng impeachment trial kaugnay ng kasong kinakaharap nito na Plunder sa Sandiganbayan.
Sinabi ni PPP Partylist Rep. Harold Duterte na hindi ito nagkataon kungdi ito aniya ay itinapat sa unang araw ng impeachment trial laban kay Vice President Sara Duterte.
“This is too much of a coincidence. It’s one thing to hold the VP for trial, but with the impeneding arrest of Sen Marcoleta, 15.3 million Filipinos are essentially deprived of their voce for Sena. Marcoleta.”
Naninindigan ang mambabatas na ginagawa ng lahat ng administrasyon upang ang pangalawang pangulo ay tuluyang madiskuwalipika sa susunod na eleksyon.
“Let’s say it like actually is, everything is being done for our next president to be disqualified from the next election. There are 2 more budget cycles before the next election, and way too many unanswered questions from the previous years,” sinabi ni Duterte.
Nanawagan din ang kongresista sa publiko n patuloy na suportahan si Marcoleta.
“How I wish as much energy and resources would be poured in to solving our countries real problems. For now, let us continue supporting Sen. Marcoleta and our next president VPSD.”
Samantala, nagtitiwala naman ang prosekusyon na hindi makahahadlang sa impeachment trial ang pagsuko ni Marcoleta sa Sandiganbayan.
Sa press conference ngayong umaga ng prosekusyon, sinabi nina Atty. Benjamin Tolosa, Jr. at Zia Alonto Adiong, parehong spokesperson ng prosecution team na mahalagang maihayag at maipresenta sa publiko ang kasong inihain ng Malaking Kapulungan ng Kongreso laban kay VP Sara.
Giit pa ni Atty. Tolosa na “air tight” ang kasong inihan ng prosekusyon laban sa pangalawang pangulo.
Mahalaga anila na maiharap sa publiko ang lahat ng mga ebidensya na nauukol sa inihaing apat na Articles of Impeachment bago tapusin ang impeachment trial.
Sa pagharap o hindi ni Vice President Sara Duterte sa impeachment trial ay sinabi ni Atty. Tolosa na nirerespeto ng prosekusyon ang desisyon ng depensa kung pahaharapin o hindi ang pangalawang pangulo. Meliza Maluntag
