MANILA, Philippines – Nagbabala ang Department of Agriculture (DA) nitong Miyerkules sa mga importer na sangkot umano sa overstaying ng imported na bigas sa mga pantalan sa Maynila.
Ito ay matapos ang 888 shipping vans na naglalaman ng mahigit 20,000 metric tons (MT) ng imported na bigas ay naiulat na overstaying, kung saan ang ilan ay nanatili sa pantalan ng siyam na buwan.
“Definitely, kailangan i-blacklist iyong mga ganoong klaseng importers,” ayon sa ambush interbyu kay DA Secretary Francisco Tiu Laurel Jr.
Aniya, ang pagsisikap ng DA, katuwang ang Philippine Ports Authority (PPA), ay dapat magsilbing malaking babala laban sa mga walang prinsipyong importer.
Samantala, tiniyak naman ng agriculture chief ang due process sa pag-iimbestiga sa mga dahilan sa likod ng “overstaying.”
“Of course, we have to really go look at ano ba nangyari para makita talaga. Maybe may justified reason naman or whatever. We have to give fair ano din naman,” sabi ni Tiu Laurel.
Gayunpaman, nanindigan siya na ang pag-import ng bigas ay dapat ilabas pitong araw pagkatapos ng pagbabawas ng kargamento.
Nauna nang pinuri ng DA ang mabilis na pagkilos ng PPA laban sa posibleng pag-imbak ng ilang consignee.
Samantala, sinabi ng PPA General Manager na si Jay Santiago na mayroong 530 containers na hindi pa mahuhuli ng mga consignee, kasunod ng pagpapalabas ng 300 containers noong weekend.
“Iyan pong mga overstaying na containers na yan ay pagdating po ng Oktubre ay ipagbibigay na po natin sa Department of Agriculture at ieendorso na po natin yan sa Bureau of Customs para madeklara na abandonado at ma-dispose na po nila” ayon dito sa hiwalay na interbyu.
Para sa mga inabandunang kargamento, sinabi ni Tiu Laurel na ang pag-import ng bigas ay maaaring maibalik sa kanilang bansang pinagmulan o itapon sa pamamagitan ng pagkasira. (Santi Celario)
