MANILA, Philippines – Ang fast-food na Jollibee Foods Corp. ay nag-disqualify ng mga invalid major prize winners mula sa week 3 raffle draw ng burger blowout promo nito.
Ang hakbang ay dumating pagkatapos ng pagsisiyasat sa listahan ng mga nanalo mula sa week 3 draw, na kinwestyon kamakailan ng mga netizens, na itinuturo ang mga pangalan tulad ng “Bonita Gulgowski,” “Albert Goldner,” at “Norbert Pfannerstill” bilang posibleng peke o AI-generated.
Ayon sa Jollibee nadiskubre na ang ilan sa nanalo sa week 3 draw ay “fraudulent third parties deliberately exploited the system by submitting multiple unauthorized entries despite existing safeguards.”
“We immediately implemented corrective measures to address these concerns and proactively requested DTI’s (Department of Trade and Industry) approval to temporarily suspend the succeeding raffle draws,” paliwanag nito.
Dahil nadisqualify ang mga invalid major prize winners mula sa week 3 draw, isasagawa ang redraw upang matiyak ang pagiging patas at pagsunod sa mga patakaran.
Kasunod ng insidente, sinabi ng Jollibee na magsasagawa ito ng isang espesyal na raffle.
Idinagdag ng kumpanya na ang mga iskedyul para sa espesyal na raffle, kasama ang week 3 redraw at ang weeks 4 hanggang 6 na draw, ay iaanunsyo sa lalong madaling panahon.
Sinabi rin ng Jollibee na pinalakas nito ang mga proseso ng pag-verify at validation nito, bilang pagsunod sa direktiba ng DTI, upang itaguyod ang integridad ng promo at maiwasan ang mga katulad na insidente sa hinaharap.
“The Department shall continue to oversee the resumption of the Jollibee Burger Blowout Promo and similar activities to ensure fairness and transparency in all promotional undertakings,” saad ng DTI. RNT/MND
