Joke ni JDL sa ABS-CBN, inalmahan!

Manila, Philippines – Hindi ikinatuwa ang birong binitiwan ni Joey de Leon tungkol sa ABS-CBN.

Ang siste, dumalaw sa Eat Bulaga si RJ Perkins mula Pampanga.

Si RJ ang nag-viral sa pangangalandakan nito ng kanyang malusog na katawan sa isang pageant among Kapampangan men.

Ipinagtanggol ni Joey si RJ laban sa mga bashers nito: “Hindi na uso ‘yung abs. Wala na nga ‘yung abs, eh!”

Hirit ni Bossing Vic Sotto: “Iba naman ‘yun, eh!

Sey ni Joey: “ABS-CBN pala ‘yon. Sorry, sorry!”

Inalmahan naman ng ilang netizens ang patawa ni Joey.

Anila, unpleasant to hear daw ang joke niyang ‘yon: “Ang tanda-tanda na, wala pa ring character development!”

“Tagal nang sarado ang ABS-CBN, umiiyak ka pa rin?!”

“Totoo naman, eh. Reality hurts.”

Ano kaya ang buwelta ni Joey sa mga bashers niya? Ronnie Carrasco III