Manila, Philippines – Tulad ni Gerald Anderson na nagbigay ng suporta kay Julia Barretto sa balik-tambalan ng JoshLia sa pelikulang “Un/Happy for You”, nagpahayag din ng support si Emilienne Vigier sa dyowang si Joshua Garcia.
Aniya, hindi raw siya mahilig manood ng Pinoy films.
Katunayan, hindi pa raw niya napapanood ang mga pelikula ng JoshLia noon.
Sey niya sa kanyang IG post: “I didn’t really get to watch a lot of Filipino films growing up, so to be honest, I’ve never really seen any of your films together, Joshua and Julia… until now.”
Pero sa balik-tambalan ng mag-ex ay kinarir daw niya ang panonood nito.
Pinuri rin niya ang cast ng pinag-uusapang pelikula sa kanilang pagganap.
“You all have my utmost respect for the craft you have. Making so many Filipinos happy and comforted with your undeniable talent all around the world. Salamat,” aniya.
Sobra rin daw siyang proud sa boyfriend at minamanok niyang magka-award ito sa nasabing movie.
“I couldn’t feel prouder of you @garciajoshuae. I am beyond moved. This deserves an award. Period. I’ve been excited all year and this is exactly why,” deklara niya.
Naiyak din daw siya sa pelikula at nadala siya sa theme song ng movie na inawit pa ng Hugot Queen na si Moira dela Torre.
“This film is so packed with love and lessons that heals so many wounds, and that sometimes endings can be beautiful too. An honor to have seen this come to life @moiradelatorre pinaluha mo lang ako with your voice as usual Lani…. Hahahahahha,” pagtatapos niya. Archie Liao
