BATANGAS, Philippines – Sa kasagsagan ng malakas na buhos ng ulan dulot ng Habagat ay hindi umano alintana ito ng dalawang kawatan, matapos na sapilitang pasukin para pagnakawan ang isang junkshop na humigit kumulang sa Php 100K ang natangay, kagabi sa Barangay Aplaya, Bauan, Batangas.
Isa sa dalawang suspek ang naaresto na nakilala sa alyas Justin 20, nasa hustong gulang, samantalang patuloy na tinutugis ang nakatakas ang kasama nito na si alyas Jericho, nasa hustong gulang, pawang residente ng Barangay New Danglayan ng nabanggit na lalawigan.
Base sa inisyal na report na isinumite sa tanggapan ni PBGen. Dominic L. Baccay Regional Director ng PRO4 CALABARZON dakong alas 7:00 kagabi ng pasukin ng mga suspek ang junkshop na pag- aari ng isang nagngangalang alyas Ramil kung saan tinangay ang Samsung S22 Ultra Smartphone, nanagkakahalaga ng Php 72k , Drill with Charger worth Php 18k, at Pencil Grinder na halagang Php 6,000 pesos.
Napag-alaman na ang dalawang suspek ay umakyat umano sa bakod ng junkshop para mabuksan ang lock ng pintuan kung saan pinasok ng mga suspek ang opisina ng nasabing establisimyento.
Nabatid sa ulat na nakita umano ito ng may- ari ang mga suspek na kaagad na tumawag ng pulis na humantong sa pagkaaresto kay alyas Justine ( suspek) kung mabilis na nakatakas ang suspek na si alyas Jericho sa pamamagitan ng pagakyat muli sa bakod patungo sa hindi matukoy na direksyon. /Ellen Apostol
