MANILA, Philippines – Sa kabila na hindi pa naglalaro sa B League dahil sa injury, si Kai Sotto ay napili pa ring maglaro sa Asia All-Stars team kasama ang ilang Pinoy sa 2026 Japan B.League All-Star Weekend sa Nagasaki.
Lima sa anim na Filipino import ang nasa listahan na inilabas noong Huwebes, dahil nakatakda silang makibahagi sa bagong four-team B.League All-Star Asia Cross Tournament sa Enero 16.
Kasama ni Sotto, na nagpapagaling pa sa kanyang ACL injury, sa exhibition game sina Dwight Ramos ng Levanga Hokkaido, AJ Edu ng Gunma Crane Thunders, Kiefer Ravena ng Yokohama B-Corsairs, at Ray Parks ng Osaka Evessa.
Makakatuwang ng Asian imports mula sa Pilipinas sina team captain Yang Jae-min (Ibaraki Robots) at Lee Hyun-jung (Nagasaki Velca) ng Korea, Omar Jamaleddine (Kawasaki Brave Thunders) at Sergio El Darwich (Sendai 89ers) ng Lebanon, Michael Ou (Chiba Jets) ng China, at Yu Ai-che (Shi Taipeiga Lake) ng Chinese Taipeiga Lake.
Maghahanda sila kontra Rising Stars team na binubuo ng 24-under prospects na binandera ni Ren Kanechika ng Chiba Jets; B2 Selected na nagtatampok ng seleksyon ng mga manlalaro mula sa second division na pinangunahan nina Hugh Watanabe (Shinshu Brave Warriors) at Allen Hachimura (Kobe Storks); at Kyushu United na binubuo ng mga manlalaro mula sa Kyushu Prefecture (Nagasaki, Saga, Fukuoka, Kumamoto, Kagoshima, Ryukyu) na pinamumunuan ni Jack Cooley (Ryukyu Golden Kings), at Stanley Johnson (Nagasaki Velca).JC
