MANILA, Philippines – “The House of Representatives is acting within the powers that belong to it alone under the 1987 Constitution”
Ito ang paninindigan ni House Committee on Justice Chairperson at Batangas Rep. Gerville Luistro sa pagpapatuloy ng isinasagawang impeachment proceedings, aniya malinaw sa Konstitusyon na sa Kamara unang tinatalakay ang isang impeachment complaint.
Ang pahayag ay ginawa ni Luistro bunsod ng patuloy na pagkuwestiyon sa Korte Suprema ng kampo ni Duterte sa legal jurusdcition ng Kamara na dinggin ang impeachment.
“Sa atin ang unang galaw. Sa atin ang direksyon. Gaya ng sabi ng mga kabataan, ‘hawak natin ang beat, we have the exclusive power to impeach,” paliwanag ni Luistro.
Nilinaw ni Luistro na tanging pagdetermina ng probable cause ang ginagawa ng komite at hindi pormal na paglilitis na nasa jurisdiksyon ng Senado na uupo bilang impeachment court.
“The House initiates. The Senate decides,” giit nito.
Dumepensa din si Luistro sa mga kritiko na nagsabing ang ginagawang impeachment proceeding ng Kamara ay “distraction” lamang sa harap ng nararanasang oil crisis.
Aniya, patuloy nilang ginagampanan ang tungkulin sa Kamara.
“The Committee can perform its duty while government continues to function. Multi-tasking ang gobyerno,” paliwanag nito.
Iginiit din ni Luistro na bagamat may mga kumukuwestiyon sa ginagawa ng komite ay hindi ito dahilan para huminto, aniya, handa sila na sagutin ang petisyong inihain ni Duterte sa Korte Suprema.
“We will answer the lawyers in the Supreme Court, but we will answer the Filipino people here,” pagtatapos pa ni Luistro. Gail Mendoza
